Moin all mitnanner 🙂
Ik bün Doortje, de Froo van Siefke un bün all siet twinnich Johr ant Jura studeern. Nich um irgendwenner moal een akademischen Abschluß to hemm un vöhl Geld to verdeenen. Nee, dat is mi nich so wichtig.
Ik mock dat um jümmers up de neejste Stand to ween un um mi för anner Lüü, de sück sülms nich helpen können, to helpen. Ant Weckenern arbeit ik as Schwester int Krankenhuus um mien Levensunnerholt to verdeenen.
Deep in mien Hart bün ik in jede Hinsicht ’n Hippie ✌ De plattdütsche Spraak is för mi heel wichtig. Ik hebb all ’n heeln bült Patienten kennenlernt, hauptsächlich de olleren, de heel keen Hochdütsch proten könn‘. Wenn man dann ’n bietje mit hör up Platt proten kann, föhln de sück gliek ’n bietje wohler. Is all schlimm genuch wenn man int Krankenhaus ween mutt…un wenn een denn ok noch nümms versteiht 🙁
Schreibe einen Kommentar