Sonntagspredigt

Moin mitnanner…
Antje hier….

Ergüstern weer ja Sönndag. Un do hebb ik ok eben weer mal naht Kark west. Ik bün ja nich so de Karkenlooper, avers of un to mööt ik ja mal henn. Un do predigt de Pastor van dat Thema, „Einer trage des anderen Last.“ Und do hebb ik futt an Siefke docht. De deiht dat ja ok immer, de dragt mien Last to t Keller rutt.

Mien Buddels mit Glennfiddich sünd al wech. Aaal wech. Avers in t Kark hebb ik hüm nich seehn. Ik satt naderhand up Terrasse mit en goode Book van Mama und do lep dar en Keerl.`Kunn up Benen bolt nich staan. Ik kunn nich recht seehn well dat weer, avers he harr en schwart, roden, blauen Mütz up un Stück of wat Budels in t Hand. 🤔 🤔🤔