Van Harten moin tohoop!
Mien Kinner hebbt ji ja al kennenlernt.Nu bün ik an Riegg mi vörtostellen:
Disse neeimoodsche Blogkraam is nich so miens, musst aver ja mit de Tied gohn.
Also: Ik bün Hieske. De Moder van Antje un Siefke. Mit de beid Gören hebb ik all Hannen vull to doon. Dat hollt jung, segg ik jo. Ik laat up de beiden aver nix kamen. Mien Antje kickt immer eben rin un verbreed Bliedskupp un dat Allerneeist vertellt se mi denn ok glieks. Bloot Siefke, de Fend de suppt mi allweg de Tee up, wenn he kummt. Kann he ok ja gern. Teekedel suust bi mi sowieso stadig.
Bi mi is jeden willkamen, solang de sik to benehmen wööt. Aver wehe, man will noch natreden, wenn al well an Grund liggt. De kriggt dat mit mi to doon.
Nee, nee, dat kann ik gar nich af!
Schreibe einen Kommentar